“Órt qáwipsizligin támiyinlew boyınsha “Áhmiyetli 30 kún”
Hár kúni turmısımızda hár qanday qáwip-qáter aldınnan xabarlandırıp kelmesligi hámmemizge ayan álbette. Hár kúni jumıs ornıńızǵa yamasa basqada zárúrlikler menen jámiyetlik orınlarǵa barǵanıńızda kewilsiz hádiyselerge dus kelip ayrıqshı jaǵdaylar arasında bolıp qalmawımızǵa hesh kim kepillik bere almaydı.
Ayrıqsha jaǵdaylardıń aldın alıw hám boldırmaw maqsetinde, Qaraqalpaqstan Respublikası Ministrler Keńesi hám Ózbekstan Respublikası Ministrler Kabinetiniń arnawlı Biyligine tiykar, usı jıl 10-iyuldan 10-avgust kúnleri aralıǵında respublika aymaǵında “Órt qáwipsizligin támiyinlew boyınsha “Áhmiyetli 30 kún” ilajı ótkerilmekte.
Qanlıkól rayonı «Qanlıkól diyqan bazarı» JShJnde rayon aymaǵındaǵı xalıq kóp jıynalatuǵın orınlar tiykarınan sawda orınları hám basqada sociallıq obektlerde júz beriwi múmkin bolǵan ayrıqsha jaǵdaylardıń aldın alıw hám boldırmaw, bul baǵdarda puqaralardıń túsinigin qáliplestiriwge baǵdarlanǵan ámeliy taktikalıq oqıw shınıǵıwları bolıp ótti.
Oqıw shınıǵıwlarına rayon aymaǵındaǵı barlıq mákeme hám kárxanalar, shólkemler ayrıqsha jaǵdaylar júz bergende atqarıw xızmetleri kórgizbeleri menen qatnastı. Málim bolǵanınday dúnya boylap tez hám sapalı informaciya almasıwları, jáhánniń qaysı shetindegi ayrıqshı jaǵdaylar menen tanısıw múmkinshiligin berdi. Xabardar bolıp turǵanımızday bunday kórgizbeli oqıw shınıǵıwları haqıyqıy turmısta júz bermewinede hesh kepillik bere almaydı.
Bazar jan átirapında órt júzege kelgende onı rayonlıq ayrıqsha jaǵdaylar bólimi shıǵınlarsız saplastırıw ilajların tez waqıt ishinde ámelge asırdı.
Sonday-aq, tábiyiy gaz, elektr energiyası avariyalıq jaǵdayda úziliske túskende, ishki isler uyımı hám milliy gvardiya, qutqarıw xızmeti mayda biyzarılıq urılıq, basqınshılıqlardı saplastırıw shınıǵıwların ayrıqsha dárejede orınladı.
Ótkerilgen ilaj sońında usı jıl 10-iyuldan 10-avgust kúnleri aralıǵında respublika aymaǵında “Órt qáwipsizligin támiyinlew boyınsha “Áhmiyetli 30 kún” ilajı sheńberinde islenetuǵın ilajlarǵa keń túrde túsinikler berilip anıq ilajlar belgilenilip alındı.
Qanlıkól rayonı hákimliginiń málimleme xızmeti.
