Milletleraralıq tatıwlıq hám doslıq – rawajlanıw tiykarı.
Mámleketimiz ǵárezsizlikke erisken dáslepki kúnlerden xalqımız ózligi, milliy dástúlerimiz hám bayramlarımız qayta tiklengeni elimiz jaslar tárbiyasınıń keleshek hám tariyx penen uyǵın qaliplesiwine tiykar jarattı. Búgin ilim hám texnikanıń rawajlanǵanı xalıqlar arasında milliy dástúrler almasıwın, anıǵıraq etip aytatuǵın bolsaq ǵalabalıq mádeniyattıń qaliplesiwin támiynlemekte. Jaslar arasında jat iletlerdiń aldın alıw hám boldırmaw, ǵalabalıq mádeniyat tásirinen saqlaw sonday-aq, dábdebepazlıq penen bizge jat bolǵan dástúrlerdi alıp keliw jaǵdaylarınıń aldın alıw boyınsha respublika Shańaraq hám hayal-qızlar komiteti hám onıń rayon hám qalalıq bólimleri tárepinen bir qansha jumıslar alıp barılmaqta.
Milletleraralıq tatıwlıq hám doslıq – rawajlanıw tiykarı. Qanlıkól rayonı hákimligi, Shańaraq hám hayal-qızlar bólimi, “Bostan” APJ belsendi hayal-qızları tárepinen ótkerilgen bul ilaj tiykarınan kóp milletli xalqımızdıń óz-ara awızbirshiligi, shańaraqlardaǵı tatıwlıq, máhállelerde toy máresimlerdiń artıqsha ısrapkershiliksiz ótiwin támiynlew, eń tiykarǵısı ayrım jaǵdaylarda artıqsha dábdebepazlıq aqıbetinen shańaraq bekkkemligine, quda hám tuwısqanlar arasında kelispewshilikler jaǵdayları ushırasıp atırǵanı, bul jaǵdaylardı boldırmaw dástúrler arqlı sáwlelendirildi.
Qanlıkól rayonı kóp milletli aymaq. Bul aymaqta tiykarınan Ózbek, Qaraqalpaq, Qazaq hám Turkmen xalıqları bir shańaraq bolıp tınısh-tatıw jasap kelmekte. Ilajda hár bir millettiń dásturlerin qáliplestiriw, “Qız uzatıw”, “Tsaw kesiw” hám “Besik jırı” sıyaqlı hár bir milletke tán dástúrler qaliplestirildi.
Jas shańaraqlar qáliplesiwinde hár bir ótkerilgen ilajlar úlken áhmiyetke iye. Nuranıy analar turmıstan túygenleri menen dástúrlerdiń áhmiyeti, tárbiyalıq mazmunǵa iye tárepleri kórsetildi.
Milliy qáriyatlar millettiń kúndelikli turmısında, mádeniyat hám ruwxıy jetikliginde, qarım-qatnasında kózge taslanadı. Sonlıqtan milliy qádiriyatlar millet mádeniyatıınıń aynası dep bahalanadı. Biz hár birimiz kúndelikli turmısımızda mádeniyatımızǵa, dástúrlerimizge ámel etip oǵan húrmet bildirip barsaq álbette turmısımız bunnanda abadan hám párawan boladı. M.Daryabaev.
