(Русский) Hayal shańaraq uytqısı

Hayal shańaraq uytqısı

Jámiyette sociallıq-ruwxıy ortalıqtı salamatlastırıw, máhálle institutın jánede qollap-quwatlaw hámde shańaraq hám hayal-qızlar menen islesiw sistemasın jańa jańa basqıshqa alıp shıǵıw boyınsha Qanlıkól rayonı shańaraq hám hayal-qızlar bólimi hám aymaq hayal-qızlar belsendileri tárepinen bir qansha jumıslar ámelge asırılmaqta.
Barlıq aymaqlar hayal-qızlar belsendileri qatarı rayondaǵı «Arzımbetqum» APJ aymaǵındaǵı 17-sanlı ulıwma orta bilim beriw mektebinde «Hayal shańaraq uytqısı» atamasında ruwxıy aǵartıwshılıq ilajı ótkerildi.

Tań azannan «Salamatlıq ushın 5 mıń qádem», «Velomarafon» hám sporttıń milliy gúres túrlerinde óz sheberliklerin kórsetken aymaq hayal-qızları tek ǵana sporta emes hakıyqıy turmıs qıyınshılıqları, mashqalalar jeńimpazı ekenliklerin kórsete aldı.
Jámiyette «Abat hám qáwipsiz máhálle» principine tiykarlanǵan sistemanı tolıq hám nátiyjeli turmısqa engiziw, máhálle hám shańaraq institutın bekkemlew, hayal-qızlar hám nuranıylardı qollap-quwatlaw, sonday-aq, sociallıq belsendilikti asırıwǵa qaratılǵan koncepciyalardı, kompleksli, maqsetli, tarawlar hám aymaqlar boyınsha ámelge asırıwǵa qaratılǵan bul ilaj, aymaq hayal-qızlarınıń jámiyettegi belsendiligin ayqın kórsete aldı.

Máhálle hám shańaraqlarda salamat hám turaqlı sociallıq-ruwxıy ortalıq hám tınıshlıq, tatıwlıq hám awızbirshilikti támiynlewge baǵdarlanǵan milliy dástúrlerimizden «Tusaw kesiw», «Naqıl maqal aytısıw» hám saxnalıq kórinisler ushın belsendi qatnasıwshılar rayon hákimligi hám rayonlıq shańaraq hám hayal-qızlar bólimi tárepinen múnásip sıylıqlandı.
Maǵlıwmat ornında, 521 shańaraqta 4 mıńǵa jaqın xalıq, sonnan 1672 hayal-qızlardı quraǵan aymaqta túrli millet wákilleri tınısh, párawan jasap miynet islep kelmekte. Ótkerilgen ilaj aldınǵılarınan ózgeshe mazmunǵa iye bolıp, kórsetilgen unamlı úlgilerdi turmısqa engiziw, máhálle hám shańaraq bekkemligin támiynlew boyınsha ilajlar belgilendi. M.Daryabaev.