BIR NURANÍY ON JASQA JUWAPKER
Qanlıkól rayonı Nuranıy qorı bólimi, Jaslar isleri agentligi rayonlıq bólimi, Respublika Ruwxıylıq hám aǵartıwshılıq orayı rayonlıq bólimi menen birgelikte rayonnıń bir qatar jaslar tárbiyasında belsendi nuranıyları arasında máhállelerde “Bir nuraniy on jasqa juwapker” joybarı tiykarında jaslarǵa biriktirilgen nuraniylardı jámiyet turmısına belsene tartıw, olardıń sociallıq belsendiligin asırıw, jaslarımız tárbiyasında kekse áwlad wákillleriniń tájiriybesinen paydalanıw, jınayatshılıq hám huqıqbuzarlıqlardıń aldın alıw, ajırım jaǵasında turǵan jas shańaraqlar arasında turıqlı ortalıqtı keltiriw boyınsha ámelge asırılıp atırǵan jumıslardı úgit-násiyatlaw hám orınlanıwın támiyinlewde belsene qatnasıp atırǵan sociallıq belsendi bolǵan nuraniylardı xoshametlew maqsetinde “Bir nuraniy on jasqa juwapker” tanlawınıń rayon basqıshı boldı. Tańlawǵa dáslepki sektor basqıshında jeńimpaz bolǵan nuranıylar qatnastı. Ilajda Qaraqalpaqstan Respublikası Nuranıy qorı ministrligi, rayon hákimligi, deputatlar, mámleketimizde aymaqlardaǵı Nuranıylar jámiyetlik Keńesleri, puqaralar jıyınlarındaǵı «Kekseler másláháti» toparları aǵzaları hám máhálle belsendileriniń qatnasında, aymaqlardaǵı bir qatar jaslardı «Bir nuranıy on jasqa juwapker» prinsipi tiykarında úlgili ómir hám miynet jolına iye nuranıylarǵa biriktiriw ,bul jumıslardıń ámeldegi orınlanıwlarına keń túrde toqtaldı.
Haqıyqatında da ázelden nuranıylarımız mehriban hám biz ushın qádirli. Rayonda bir nuranıyǵa jaslardı biriktiriw islerine 22 belsendi nuranıyǵa 220 jas biriktirilip ruwxıy kómek isleri alıp barılmaqta. Tańlawda qatnasıwshılar ózlerin, aymaǵın tanıstırıw, “Jaslar bizin keleshegimiz” hám “Nuranıylar bellesiwi” basqıshlarında ózleriniń jumısların kórsete aldı. Tanlawda 1-sektor aymaǵınan “Beskopir” APJ qatnasıwshısı Shukirbay Kelimbetov birinshi orındı jeńip alıp kelesi respublika basqıshına jollama aldı.
Nuranıylarımızdıń kóp jıllıq ómir tájiriybesi tiykarında olardıń alǵısına iye bolıw ushında hár qanday insan jeterli dárejede eń keminde ruwxıy túsinikke iye bolıwları kerek. Rayonda jaslardı jumıs penen bántligin támiynlewge, ruwxıy kómek islerinde úlgi kórsetken nuranıylar Qaraqalpaqstan Respublikası nuranıy qorı ministrligi tárepinen múnásip sıylıqlandı. Rayon nuranıyları biriktirilgen jaslar menen islesiw boyınsha anıq wazıypalardı belgilep aldı.
M.DÁRYaBAEV.
