“Aqılbay aspaz” baqsha ushın taǵamlar recepti rayonlıq seminarı
Qanlıkól rayonı Mektepke shekemgi hám mektep bilimlendiriw bólimine qaraslı 4-sanlı mektepke shekemgi bilimlendiriw shólkeminde ótkerilgen seminarǵa rayondaǵı barlıq mektepke shekemgi bilimlendiriw shólkemleri basshıları aspazlar, medicina tarawı hám basqada tiyisli qánigeler qatnastı.
Seminara Qaraqalpaqstan Respublikası Mektepke shekemgi hám mektep bilimlendiriw ministriligi Mektepke shekemgi bilimlendiriw shólkemlerinde awqatlandırıwdı shólkemlestiriw boyınsha sektor baslıǵı N.Qurbanova balalardı awqatlandırıw tártibi, azıq-awqat ónimleriniń sapasın anıqlaw hám paydalanıw tártipleri haqqında keń túsinikler berdi.
Seminarda hár bir shólkemde balalar taǵamları boyınsha azpazlar sheberligi kózden ótkerilip islenip atırǵan jumıslarǵa joqarı baha berildi.
Seminarda “Aqılbay aspaz» baqsha ushın taǵamlar recepti boyınsha anıq ilajlar belgilendi.
Qanlıkól rayonı hákimliginiń málimleme xızmeti.
