Seminar-trening

Biz hár qashanda máhálle yamasa shańaraqta mashqala payda bolǵanda aymaq hayal-qızlar belsendisine múrájat etiwdi maqul kóremiz. Lekin insan táǵdiri biri-birine usamaǵanınday, payda bolǵan mashqalalarda birin-biri tákirarlamaydı. Onı saplastırıw bolsa tiyisli qánigelerdiń puqaralar menen birgeliktegi háreketine baylanıslı bolıp qaladı.

Qanlıkól rayonında Ózbekstan Respublikası Shańaraq hám hayal-qızlar komiteti, Ózbekstan psixologlar assocaciyası hám rayon hákimlikleri menen birgelikte,  Shomanay hám Qanlıkól rayonı puqaralar jıyınları hayal-qızlar belsendileri ushın «Máhálle hayal-qızlar belsendileriniń psixologiyalıq bilimlerin jetilistiriw» atamasında seminar-trening boldı.

Máhálle hayal-qızlar belsendileriniń psixologiyalıq bilimlerin jetilistiriw, olarǵa puqaralar menen islesiwde kelispewshilik jaǵdaylarınıń aldın alıw, tınıshsız shańaraqlar menen islesiw, ruwxıy túskinlikke túsken puqaralarǵa kómeklesiw, sóylew mádeniyatı hám basqada baǵdarlarda arnawlı kónlikpeler payda etiwde ótkerilgen ilaj ayrıqsha orınǵa iye.

Seminar-trening sońında tıńlawshılarǵa tiyisli sertifikatlar tapsırıldı.

Qanlıkól rayonı hákimliginiń Málimleme xızmeti