Qurılıslarda órt qáwipsizligi qaǵıydalarına ámel eteyik

2021-jıl 9-dekabrdegi «Jańa Ózbekstan»  massivlerin qurıw hám aymaqlardıń sociallıq-ekonomikalıq rawajlanıwın támiyinlew haqqında»ǵı Prezident pármanı tiykarında respublikamızdıń Qanlıkól rayonı «Nawrız» APJ aymaǵıda iri qurılıs maydanına aylandı.

Massivte jámi 17 obekt qat kótermekte. Sonnan 10 bes qabatlı 300 xojalıqqa arnalǵan  úyler bolıp, eki soccialıq taraw hám bes infradúzilme obektlerinde qurılıs isleri alıp barılmaqta.

Usı «Jańa Ózbekstan»  massivi qurılıs isleriniń nátiyjeligi boyınsha Qanlıkól rayonı Ayrıqsha jaǵdaylar bólimi tárepinen 10-iyulden 10-avgust kunleri aralıǵında órt qáwipsizligin támiyinlew boyınsha «Áhmiyetli 30-kún» ilajı sheńberinde taza qurılıs islerinde órt qáwipiniń aldın alıw hám boldırmaw, imáratlardı óz iyelerine tapsırıwda órtqáwipsizligi qádeleri saqlanǵan halda tapsırıw boyınsha ilaj ótkerildi.

Ilajda,

-Órtke qarsı úzilislerde janıwshı buyımlardı taqlap quyıw qadaǵan etiletuǵını;

-Jer maydanı 2-gektar hám onnan artıq  bolǵan qurılıs maydanlarında qarama-qarsı tárepten jaylasqan keminde  eki tárepleme kiriw jolı bolıwı zárúrligi;

-Qurılıs maydanında jollardıń keńligi 6-metrden kem bolmawı, qatlaması qatı bolıwı shárt ekeni,  kiriw dárwazalarınıń keńligi   4-metr, jollardıń bası jabıq bóleginde órt óshiriw avtomobilleriniń burılıwı ushın aylanba jol yaki 12×12 metrden kem bolmaǵan maydanshalar bolıwı zarúrligi;

-Qurılısqa kiriwde qurılıp atırǵan imárat hám kiriw jolları, suw támiynatı, ót óshiriw hám baylanıs qurallarınıń jaylasıwı kórsetilgen sızılmasın ilip qoyıw kerekligi;

-Qurılıp atırǵan hám waqtınsha xanalar (sklad, ustaxana, xızmet xanalar hám basqalar) ǵa ashıq ótiw jolları támiyinleniwi lazım.Úlken jol, ótiw jolları waqtınsha bekiletuǵın bolsa, usı haqqında dárhal rayonlıq Ayrıqsha jaǵdaylar bólimi xızmetine xabar beriwi shárt ekeni;

-Qurılıs maydanınıń aymaǵı 2-metrden tómen bolmaǵan diywal menen oralǵan bolıwı, jaqtılanıwı hám qorǵalıwı kerek.

-Janıwshı qurılıs materialların qurılıs maydanında 3-kúnnen artıq bolmaǵan múddet ishinde, qurılıp atırǵan hám waqtınsha imaratlardan keminde 30 metr uzaqlıqta saqlaw múmkin ekeni;

Órt tilsiz jaw dep aytılıwı. Sonıń ushında biz órttiń aldın alıw ushın hár kúni órt qáwipsizligi qaǵıydalarına ámel qılıw  bársheniń wazıypası ekeni túsindirildi.

Húrmetli puqaralar!

Usı ótkerilip atırgan órt qáwipsizligin támiyinlew boyınsha «Áhmiyetli 30-kúni»  ilajında hámmeni belsene qatnasıwǵa shaqırıp qalamız.

Quwanısh Seytnazarov.

Qanlıkól rayonı AJB baslıǵı orınbasarı kapitan.