Qanlıkól rayonı hákimi Baxram Sultanov rayondaǵı bir qatar sociallıq obektler jumısları menen tanıstı.

Qanlıkól rayonı mektepke shekemgi hám mektep bilimlendiriw bólimine qaraslı 23 ulıwma orta bilim beriw mektebi hám 14 mámleketlik mektepke shekemgi bilimlendiriw shólkemi hám bir Bárkamal áwlad balalar mektebi rayon balalarına bilim hám tárbiya berip kelmekte.
Rayon hákimi 1-sanlı ayırım pánler tereńlestirip oqıtılatuǵın klassları bar ulıwma orta bilim beriw mektebinde bolıp, oqıw-tárbiya jumısları, materiallıq texnikalıq bazası, oqıw jılına tayarlıq isleri menen tanıstı.

Mektep 720 orınǵa mólsherlengen bolıp házirgi kúnde 533 oqıwshı bilim aladı. Mektepte 22 pán dógerekleri hám qızıǵıwshılıǵına qaray 10 dógerek (shaxmat, shashka, stol tennisi, voleybol, jas dóretiwshiler, sheber qollar, jas kitapxanlar, jas informatikler, jas háweskerler, jas súwretshiler)dógerekleri oqıw jılı dawamında tolıq isleydi.

Qanlıkól rayonı hákimliginiń málimleme xızmeti.