Qanlıkól rayonı hákimi Baxram Sultanov rayon fermerleri menen ushıraspaqta.
Avgust ayı paxtashılıqta zúráátke zúráát qoısıwshı, ǵawasha tárbiyasında altın gúzde mol qırman toplawdıń sheshiwshi dáwiri sanaladı. Sonlıqtan fermerler búgingi kúndi ǵániymet bilip ǵawasha tárbiyası ogrotexnikalıq ilajlarınıń barlıq túrlerin óz waqtında ámelge asırıwdı támiynlemekte.
Qanlıkól rayonı hákimi hár kúni rayon fermerleri menen bolıp usı jumıslardıń barısı menen tanıspaqta. Búgin rayondaǵı “Bostan” APJ fermerleri menen ushırasıp, ǵawasha tárbiyasında keshiktiriwge bolmaytuǵın wazıypalar, ǵawasha maydanların suwǵarıw, suwdan sońǵı ǵawasha qatar arasın shúdigarlaw, ǵawashalardıń zúráát elementlerin toplawında úlken áhmiyetke iye ǵawasha náliniń ósiw tochkasın shırpıw islerin óz waqtında ámelge asırıw islerine keń toqtaldı.
Maǵlıwmat ornında rayonda 2023-jıl zúrááti ushın 196 femer xojalıǵı tárepinen 5000 gektardan aslam maydanǵa shigit egilip, tárbiya isleri alıp barılmaqta.
Qanlıkól rayonı hákimliginiń málimleme xızmeti.
