ANA SÚTINIŃ ÁHMIYETI

Hár jılı 1-7 avgust kúnleri aralıǵında dunya júzi boylap nárestelerdi kókirek súti menen emiziwdi qollap quwatlaw hápteligi ótkeriledi. Háptelik ilaj sheńberinde Qanlıkól rayonı medicina birlespesi tárepinende bir qansha jumıslar alıp barılıp atır. Tuwıw bóliminiń ózinde barlıq tuwǵan hayallarǵa uwız sútiniń áhmiyeti , ana sútniń áhmiyyeti, qaǵıydaları haqqında hár kúni túsindiriw jumısları alıp barıladı. RMB niń májilisler  zalında barlıq aymaq shıpakerleri, aymaq patronajları arasında, tuwıw bólimi neonatolog shıpakeri D.Bekbergnova tárepinen seminar ótildi.

Kókirek penen emiziw balanıń salamat ósip rawajlanıwı ushın úlken áhmiyetke iye. Uwız súti  immunoglobulinlerge, leykocitlerge  bay, ósiw faktorlarına , A vitaminge bay boladı. Bul óz gezeginde  balalardı hár túrli infekciyalardan, allrgiyalardan  saqlaydı. Kóz keselliklerniń aldın aladı.

Balanı 6 ayǵa shekem kókirek súti menen emiziw kerek. Barlıq balalarǵa 6 aylıqtan baslap qosımsha awqatlar berilip baslaydı. Kókirek penen emiziw 2 jasqa shekem hám onnanda kóbirek bolıwı kerek.

Kókirek penen emiziwdi dawamlaw anasınada biraz paydalı tárepleri bar. Yaǵnıy jiyi hámiledarlıqtıń aldın aladı, hár túrli rak kesellikleriniń aldın aladı, anası menen balası arasında mehir kúsheyedi, tábiyiy kontrasepciya quralı bolıp esaplanadı.

D.Bekbergenova.

RMB baslıǵınıń Analıqtı hám balalıqtı qorǵau boyınsha orınbasarı, tuwıw bólimi neonatolog shıpakeri.