Qanlıkól rayonı hákimi B.Sultanov sırt ellerdegi jumıs islep hám oqıp bilim alıp atırǵan rayon jasları menen tuwrıdan-twwırı sáwbetlesiw ótkerdi
Elimizde Prezidentimiz itibarı menen jaslardı watansúyiwshilik, milliy úrp-ádet hám dástúrlerimizge húrmet ruwxında tárbiyalaw, ruwxıy jetik hám fizikalıq salamat bákamal áwlatdı kamalǵa jetkeriwge, olardıń huqıq hám mápelrin qorǵaw baǵdarında nátiyjeli jumıslar ámelge asırılmaqta.
Qanlıkól rayonı hákimi B.Sultanov tárepinen mámleketimizde jaslarǵa baylanıslı mámleketlik siyasat baǵdarında islenip atırǵan jumıslar tiykarında sırt ellerde jumıs islep hám bilim alıp atırǵan jaslar menen 17-avgust kúni saat 20-00 den baslap tuwırıdan tuwırı onlayn «Zum» platforması arqalı sáubetlesiw ótkerildi.
Bul ilaj birinshi ret ámelge asırılıp atırǵan bolsada rayonnıń 70 den aslam dúnyanıń túrli ellerindegi rayon jasları óz múrájatları menen qatnastı. Múájatlar tiykarınan oqıwın kóshirip ótkeriw, sırt elde kásip úyrengen jaslar jumısın usı jerde dawam etiw ushın imkaniyatlar haqqında sorawlarına juwalar aldı.
Respublikamızda bul payıtta túngi waqıt bolsa ayırım ellerde kúndizgi waqıt penen jaslar baylanısqa shıqtı. Ózlerine bolǵan itibardan kózleri quwanıshqa tolǵan jaslar sharayatları menen tanıstırdı. Itibar ushın minnetdarshılıqların bildirip álbette bunday isenimdi óz miynetleri menen aqlaytuǵınlıqların bildirdi.
Er jetip jumıs isleymen, erkin turmıs keshiremen dep ózge jurtlarda ayrım jaslar qıynshılıqlar bar ekeninde jasırmadı. Salamatlıǵı menen baylanıslı, ózleri jat jurtta bolsada shańaraǵındaǵı mashqalalar haqqında múrájat etti.
Eń tiykarǵısı rayonnıń sır ellerdegi jasları bir orınǵa jámlesti. Rayon hákimi bunday sáwbetlesiw endi tez-tez ótkeriletuǵının atap ótti. Bul ilajlar jaslardıń turmısta óz ornın tawıp turmısta jaqsı jasap ketiwleri menen áhmiyetli sanaladı.
Qanlıkól rayonı hákimliginiń málimleme xızmeti.
