Gúzlik biyday egisine arnalǵan seminar
Respublikamız awılxojalıǵı tarawında ámelge asırılıp atırǵan reformalar nátiyjesi menen tarawdıǵı jumıslar jıl sayın jańalanıp barmaqta. Awıl xojalıǵı eginlerin egiw ushın jańa texnikalardıń engizilgeni hám diyqan ushın jıl jılǵa usamaydı degenlerindey hár jıl ózine tán ózgesheliklerge iye.
Qanlıkól rayonı «Arzımbetqum» APJ aymaǵındaǵı «Imamatdin Qorabaev» fermer xojalıǵında rayonda 2024-jıl zúrááti ushın gúzlik biyday egisi islerin tez hám saplı ótkeriwge arnalǵan ámeliy kógizbeli seminar keńes boldı. Seminarǵa rayon fermerleri, sektor basshıları hám fermerlerge xızmet kórsetiwshi mákeme hám shólkem basshıları qatnastı.
Seminarda Ózbekstan Respublikası awıl xojalıǵı ministriniń 1-orınbasarı B.Toǵaev, Qaraqalpaqstan Respublikası Ministrler Keńesi Baslıǵı orınbasarı D. Kaypov hám basqalar gúzlik biyday egisi agrotexnikası haqqında túsinikler berdi.
Atap ótilgenindey rayonda kelesi jıl zúrááti ushın 8 otryad quramında, 126 fermer xojalıqları tárepinen jámi 4200 gektardan aslam maydanǵa gúzlik biyday egiw rejelestirilgen.
Biyday egiletuǵın maydanlardı lazerli úskene járdeimnde tegislew, suwǵarıw islerin tez kúnde juwmaqlaw ilajları belgilendi.
Seminarda nuranıy diyqanlardıń aq pátiyası menen jerge jaqsı niyette dáslepki tuqım sebildi.
Qanlıkól rayonı hákimliginiń málimleme xızmeti.
