Qanlıkól diyqan bazarı búgin
Húrmetli jurt basshımız tárepinen xalıqtı arzan hám sıpatlı ónimler menen támiynlew, ishki bazarlarımızdı jergilikli ónimler menen toltırıw, bunıń ushın satıwshı hám qarıydar ushın qolay sharayatlar jaratıwǵa itibar qaratılmaqta.
«Qanlıkól diyqan bazarı» JShJ rayon xalqınıń birden-bir sawda ornı sanaladı. Rayonda xalıq sanı hám bazarǵa bolǵan talaptıń artıwı menen sawda orınların zaman talabına jetkeriwdi talap etpekte.
Rayon hákimi B.Sultanov búgin tań azannan bazar jumısları menen tanıstı. Kúndelikli «Awıl xojalıǵı ónimleri» yarmarkası, jańa oqıw jılı aldınan mektep yarmarkası, kiyim-kenshek, tutınıw buyımları, dán bazarı, qawın bazarı jumıslarında jaratılǵan sharayatlar menen tanısıp, elede qolay sharayat jaratıw boyınsha ilajlar belgiledi.
Bazar xalıqtın mádeniyatı, kún-kóris turmısı hám xalıqtıń aynası. Sawda mádeniyatın jetilistiriwge satıwshı hám qarıydar birdey juwapker sanaladı.
Qanlıkól rayonı hákimliginiń málimleme xızmeti.
