Bilimlendiriw xızmetkerleri menen “Ashıq sáwbet”
⚡️Qanlıkól rayonı hákimliginiń málimleme xızmeti menen birgelikte rayonlıq mektepke shekemgi hám mektep bilimlendiriwi bólimi tárepinen ámelge asırılıp atırǵan jumıslar boyınsha ashıq sáwbet boldı.
Ilajda bólimge qaraslı barlıq tálim hám tárbiya mákemelerinde jańa oqıw jılına tayarlıq, ótken jıl juwmaqları keńnen sóz boldı.
Rayonda 2022-2023-oqıw jılında 14 MShBShlerinde 3079 tárbiyalanıwshıǵa 239 pedagog xızmetkerler bilim berip, 2022-jıl rayonda MShBShlerine balalardı qamraw kórsetkishi 72,5 payız bolǵan bolsa, usı jıl dawamında jánede 4 shańaraqlıq, 1 mámleketlik MShBSh iske túsiriliwi menen balalardı baqshalarǵa qamraw kórsetkishi derlik 80 payızǵa jetkerilgen.
Rayonda ulıwma orta bilim beriw mekteplerinde 1140 oqıtıwshı 23 ulıwma orta bilim beriw mekteplerinde oqıwshı jaslarǵa bilim sırldarın berip kelmekte.
Ilajda isleniwi tiyis wazıypalar belgilendi.
Qanlıkól rayonı hákimliginiń málimleme xızmeti.
