Íǵbal úy-jay menen támiynlendi
Elimiz Ǵárezsizliginiń 32 jıllıq bayramı múnásibeti menen «Jańa turmıs ushın, Jańa Ózbekstan ushın» degen bas ideyanı ózinde jámlegen ruwxıy aǵartıwshılıq ilajları sheńberinde respublikamız boylap qayır-saqawat, qáwenderlik isleri dawam etpekte.
Qanlıkól rayonında jetim balalar hám ata-ana qaramaǵınan ayırılǵan balalardıń huqıq hám erkinliklerin júzege shıǵarıw, sociallıq qorǵalıwın kúsheytiw, olardı mámleket tárepinen qollap-quwatlaw mexanizmin jánede jetilistiriw, baǵdarında rayon hákimligi qáwenderligene alınǵan ata-ana qaramaǵınan ayrılǵan balalardı qollap-quwatlaw boyınsha bir qansha nátiyjeli isler ámelge asırılmaqta.
Utegenova Íǵbal Dáwletbay qızı Prezidentimizdiń 2021-jıl 9-avgust kúngi «Jetim balalar hám ata-ana qaramaǵınan ayırılǵan balalardı mámleket tárepinen qollap-quwatlawdıń jańa sistemasın engiziw ilajları haqqında»ǵı arnawlı qararı tiykarında Qanlıkól rayonı hákimligi tárepinen úy-jay menen támiynlendi.
Usı múnásibet penen Qaraqalpaqstan Respublikası Ministrler Keńesi baslıǵı orınbasarı Bayram Utemuratov, rayon hákimi B.Sultanov Íǵbal Utegenovanıń jańa imáratında bolıp onı jańa imárat hám bayram menen qutlıqladı.
Rayon hákimligi tárepinen qáwenderlikke alınǵan Í.Utegenovanıń quwanıshına tuwısqanları qatnasıp minnetdarshılıǵın bildirdi.
Xalqımızda «Qayırlı istiń sawabı ózińe qaytadı» degen ibratlı sóz álbette biykar aytılmaǵan. Búgin jaslarǵa, ózgeler járdemine mútáj perzentlerdi qollap-quwatlaw mámleketimiz keleshegi ushın tiykar boladı. Íǵbal Utegenovada maqsetine erisiwde, ózine bildirilgen isenimdi óz kúsh-ǵayratı hám bilimi menen aqlaytuǵının bildirdi.
Qanlıkól rayonı hákimliginiń málimleme xızmeti.
