Gúzlik biyday egisi

Awılxojalıǵı tarawında diyqanshılıǵımızdıń tiykarı sanalǵan biydaydan mol ónim alıwda jerlerdi egis islerine tayarlaw jumıslarınan baslap hár bir agrotexinikalıq ilajlardı óz waqtında ámelge asırıw talap etiledi.
Qanlıkó rayonı «Altınkól» APJ aymaǵındaǵı Xabibulla Rajapboev” fermer xojalıǵı kelesi jıl zúrááti ushın 110 gektar maydanǵa gúzlik biyday egiwdi reje qılǵan.
Rayon hákimi B.Sultanov, “Qanlıkól Agroklaster” JShJ baslıǵı R.Kenjaev hám basqalar fermer atızı basında egis isleriniń barısı menen tanıstı.
Málim bolǵanınday awılxojalıǵı tarawınıń jańa texnikaları menen ámelge asırılıp atırǵan egis sapası kóz quwandıradı.
Fermer X.Allabergenov eń keminde gektarına ortasha 70, 80 centnerden biyday ónimin alıwdı niyet etetuǵının bildirdi.
Aymaqta kelesi jıl zúrááti ushın 62 paxta ǵálleshilik fermer xojalıqları tárepinen 1268 gektar gúzlik biyday egis islerin 2 otryad quramında ámelge asırıw belgilendi.

Kanalǵa aǵza bolıw: https://t.me/kanlikulnews