Terim pulları óz waqtında tólenbekte
Respublikamız fermerleri hám fermer xojalı aǵzalarınıń jaz boyı islegen miynetleri esesine ǵawsha atızlarında mol paxta zúrááti jetistirildi.
Endigi itibar usı jetistirilgen ónimdi tez kúnde sapalı jıynap terip mámleket qırmanına tapsırıwdan ibarat.
Qanlıkól rayonında paxta terimi isleri qızǵın túske endi. Terimshilerdi xoshametlew, tergen hár bir kilogram paxtası ushın óz waqtında terim pulların tólep barıw hár terimshige jánede kúsh-quwat baǵıshlaydı.
AK “Agrobank” Qanlıkól rayonı filialı rayon aymaǵında jaylasqan 189 fermer xojalıqları tárepinen “AGRO TURTKUL TEKSTIL KLASTER” JShJ ne 2023-jıl ushın terilgen paxtanıń terim pulların támiynlemekte.
Rayonda usı jılı 5000 gektar paxta maydanınan 12500 tonnadan aslam paxta terip tapsırıw rejelestirilgen. Bunıń ushın 184 fermer xojalıqlarında 56 terim otryadları dúzilgen.
Qanlıkól rayonı hákimliginiń Málimleme xızmeti
