“Arzımbet qum” máhállesi abat mákanǵa aylanbaqta

Orınlardaǵı mashqalalardı sheshiw, máhálleler infrastrukturasın jaqsılaw, puqaralardı qıynap kelgen máselelerdi saplastırıw boyınsha Qaraqalpaqstan Respublikası Joqarǵı Keńesi baslıǵı baslaması menen Prezidium qararı qabıl etilgen edi. Qarar tiykarında Qanlıkól rayonında ishimlik suw tarmaqların rekonstrkuciya qılıw hám jańadan tartıw, ishki jollardı ońlaw hám qara qaplamalı asflt jatqızıw islerin ámelge asırıw názerde tutılǵan.
Rayondaǵı “Arzımbet qum” APJ aymaǵındaǵı “Arzımbet qum” awılı bir neshe jıllardan berli jol máselesinde qıynalatuǵın edi. Olardıń múrájatları unamlı sheshim tawıp 1,2 km aralıqqa qara qaplamalı asfalt tóselip awıl qala tipindegi kóriniske keltirildi.
Bul orınlanǵan islerden awıl turǵınları, balalar úlken quwanıshqa bólkendi.
Eń baslısı puqaralarǵa qıyınshılıq tuwdırıp kelgen jáne bir mashqala óz sheshimin taptı.

Qanlıkól rayonı hákimliginiń Málimleme xızmeti