Báygi sızıǵına márdana jetti

Búgin pútkil respublikamız xalqınıń itibarın tartıp turǵan paxta jıyın-terim isleri kún sayın joqarılap, aldınǵı fermer xojalıqları ózleriniń jıl boyılıq rejelerin sanawlı kúnler ishinde orınlap minnetli wazıypaların orınlap shıqpaqta.
Qanlıkól rayonında fermer xojalıǵı rejesin orınlap, rayon hám respublika qırmanına úles qosıwdı baslaǵan fermerler qatarı kún sayın artıp atır.
Rayondaǵı “Arzımbetqum” APJ aymaǵındaǵı “Azizbek Baymaqlı” fermer xojalıǵı aǵzalarıda búgingi kúnge 11 gektar paxta maydanınan 35 tonnadan asırıp paxta tapsırıp ózleriniń minnetli wazıypaların aq júzli abroy menen bárjay etti.
Usı múnásibet penen rayon hákimligi hám sektor basshıları atız basında terimshiler menen ushırasıp, usı zúráátti toplawda miynet islegen bir qatar aldınǵı terimshi hám mexanizatorlarǵa sawǵalar tapsırdı.
Fermer aǵzaları zúráátlilikti 40 centnerden asırıwdı niyet etken.