Baspa sóz konferenciyası

Elimizde mámleketlik uyımlar hám shólkemlerdiń málimleme xızmetleri jumısların rawajlandırıw, sóz erkinligi, islenip atırǵan jumıslardıń ashıqlıǵın támiynlewde nátiyjeli jumıslar islenbekte.
Qanlıkól rayonında rayon hákimi B.Sultanov hám sektor basshıları qatnasıwında rayondaǵı hákim járdemshileri jumısları júzesinen baspa sóz konferenciyası bolıp ótti.
Ilajda rayon hákimi máhállerlerde sociallıq-ekonomikalıq jaǵdaydı “Úyme-úy” úyreniw, xalıqtıń bántlik dárejesi, dáramat derekleri, jerden paydalanıw, isbilermenlikti rawajlandırıw hám turaqlı jumıs orınlarına iye bolmaǵan jaslardıń qızıǵıwların úyreniw arqalı olarǵa nızam tiykarında járdem kórsetiw islerine toqtaldı.
Atap ótilgenindey puqaralarǵa susidiya ajıratıw jeńilletilgen kredit qarjıları esabına sociallıq dápterden shıǵıp turmıs jaǵdayı jaqsılanǵan puqaralar qatarı kóbeygen.
Ilajda bul jumıslardı elede jetilistiriw boyınsha wazıypalar belgilendi.

Kanalǵa aǵza bolıw: https://t.me/kanlikulnews