«Ustaz-shákirt» ushırasıwı

2023-jıl 21-senyabr kúni Qanlıkól rayonı Mektepke shekemgi hám mektep bilimlendiriw bólimine qaraslı 13-sanlı ulıwma orta bilim beriw mektebinde «1-oktyabr muǵállimler hám ustazlar kúni» bayramı qarsanıńda «Ustaz-shákirt» ushırasıw keshesi bolıp ótti. Keshege Ózbekstan hám Qaraqalpaqstan jazıwshılar awqamı aǵzası, shayır Nurlıbay Dauletbaev, Qaraqalpaqstan Respublikasına miyneti sińgen mádeniyat xızmetkeri, shayır, qosıqshı, kompozitor, ustaz, tákirarlanbas talant iyesi Maxset Matekov hám olardıń shákirtleri usı mekteptiń muǵállimi Aydos Muxammadiyarov, Respublikamızǵa belgili xosh hawaz qosıqshılardıń biri, baqsı Jetkenshek Berdievlarsonday-aq Qanlıkól rayonlıq Mektepke shekemgi hám mektep bilimlendiriw bóliminiń Bilimlendiriw shólkemlerinde tarbiyalıq jumıslardı muwapıqlastırıw boyınsha bas qanigesi Tilepbay Nurmanov qatnastı. Kesheni mektep direktorı Ravil Erjanov ashıp berdi.

Keshe 13- sanlı ulıwma orta bilim beriw mektebi ingliz tili páni oqıtıwshısı Muxammadiyarov Aydostıń «Mánzilsiz xat» atamasında shıqqan qosıqlar toplamı kitabı oqıwshılar hám oqıtıwshılarǵa tanıstırılıp, kórgizbe isleniwden baslanıp, shayır N.  Dauletbaev hám shayır, qosıqshı, kompazitor M. Matekovlardıń dóretiwshilik jolındaǵı tájiriybeleri, dóretpeleri hám nama jazılǵan qosıqları haqqındaǵı pikir alısıwlar menen dawam etti. Keshe qızıqlı, mazmunlı hám joqarı kóterińki ruwxta ótti.