Tınıshlıq biybaha baylıq

Qaraqalpaqstan Respublikası qala hám rayonlarında ekstremizim, terrorizm hám missionerliktiń haqıyqıy kórinisin sáwlelendiriwshi “Nadanlıqqa qarsı aǵartıushılıq” súreni tiykarında Qanlıkól rayonı Medicina birlespesinde ruwxıy-aǵartıwshılıq úgit-násiyat jumısları bolıp ótti.

Ilajǵa Ózbekstan Respublikası Din isleri boyınsha  komitetiniń Qaraqalpaqstan Respublikası aymaqlıq basqarmasınıń Xayal-qızlar máseleleri boyınsha jetekshi qániygesi X.Ibrayimova,  Din isleri boyınsha Qanlıkól rayonı bas qániygesi P.Jumamuratov, respublika ruwxıy aǵartıwshılıq orayı rayonlıq bólimi baslıǵı Ú.Ospanova, QR IIB terrorizmge qarsı gúresiw bólimi qániygesi S.Tanabergenov, Qanlıkól rayonı IIB terrorizmge qarsı gúresiw toparı aǵa operativ wákili Yu.Aytmuratov,hám  basqalar qatnastı.

Rayonlıq medicina birlespesi xızmetkerleri menen bolıp ótken jıynalısta, xázirgi kúnde ayırım puqaralarımız shet mámleketlerge jumıs islew ushın ketip, basqa ellerde bilip bilmey xár túrli diniy aǵımlarǵa kirip atırǵanlar xaqqında túsinikler berdi. Sonday-aq, mámleketimizde din qatnasıqları, internetten paydalanıw mádeniyatı, jaslardıń sociyallıq tarmaqlar arqalı jat ideyalar tásirine túsip qalıwınıń aldın alıw, elimizdiń tınıshlıǵınıń qádirine jetiw haqqında jıynalǵanlarǵa túsinikler berildi.

Ushırasıw dawamında “Tınıshlıq qádiri” atlı videorolik qoyıp berildi.

Qanlıkól rayonı hákimliginiń Málimleme xızmeti