Puqaralar múrájatları unamlı sheshim taptı
Mámleketimizde insan mápleri eń joqarı qadiriyat dárejesine kóterildi. Búgin barlıq mámleketlik shólkemler jumıslarında xalıqtıń múrájatları menen islesiw boyınsha jumıslar jaqsı nátiyjesin bermekte. Orınlarda ótkerilip atırǵan kóshpeli qabıllawlar xalıqtıń dártin tıńlaw, qıynap kiyatırǵan mashqalaların sheshiw, sonday-aq bul jumıslar kútilgendey nátiyje bermekte.
Qanlıól rayonı xalıq qabıllawxanasında rayon hákimi B.Sultanov, Qaraqalpaqstan Respublikası Ádillik ministri E.Tursunov, Jaslar siyasatı hám sport ministri A.Allanazarov hám rayon sektor basshıları, xákimlik uyımı wákilleri qatnasıwında puqaralardı qabıllawı boldı.
Qabıllawda mámlim bolǵanınday rayon puqaraları sport ministriligine hám rayon hákimligi, sonday-aq Ádillik ministriline tiyisli ózlerin qıynap kiyatırǵan mashqalaları menen múrájat etti.
Múrájatta húrmetli Prezidentimiz atap ótkenindey, “Xalıq mámleketlik uyımlarǵa emes – Mámleketlik uyımlar xalqımızǵa xızmet etiwleri kerek” degenlerindey búgin hár puqara múrájatı unamlı sheshim tapsa, mámleketlik uyımlar sol tiykarda hár bir shańaraqtıń, hár bir puqaranıń turmısı abat bolıwına tiykar jaratıladı.
Rayonda usı jıldıń ótken toǵız ayı dawamında mıńnan aslam múrájatlar bolıp unamlı sheim tabıwına erisilgen.
Qanlıkól rayonı hákimliginiń Málimleme xızmeti
