Mashqalalardı sheshiw ushın hár bir máhállege 500 mln sumnan qarjı ajıratıldı

10-Oct-2023
111

Máhálleler infrastrukturasın jetilistiriw, puqaralardıń turmıs sharayatların ele de jaqsılaw, máhállelerdi sociallıq-ekonomikalıq jaqtan rawajlandırıwǵa qaratılǵan baǵdarlamalardıń orınlanıwı hámde bar bolǵan mashqalalardıń nátiyjeli hám tez sheshiliwin qarjılıq jaqtan támiyinlew maqsetinde Qanlıkól rayonındaǵı 11 máhálleniń hár birine 500 million sumnan qarjı ajıratıldı.

Bul ajıratılıp atırǵan qarjılar máhálle belsendileri menen kóshe biyleriniń qadaǵalawında aymaqta jasawshı puqaralardıń usınısları tiykarında jumsalıwı baslandı.

Rayondaǵı “Sarı altın” APJ xalıq tıǵız jaylasqan hám rayon aymaǵına derlik baslanıwı 30, alıs aymaqları derlik 40 shaqırım alısta jaylasqan aymaq sanaladı. Aymaq infrastrukturasın jetilistiriw, puqaralardıń turmıs sharayatların ele de jaqsılaw, máhálleni sociallıq-ekonomikalıq jaqtan rawajlandırıwǵa qaratılǵan baǵdarlama tiykarında ajıratılǵan 500 mln som esesine aymaqta eń zárúr dep tabılǵan jumıslar ámelge asırılmaqta.

Búgin solardan APJ imáratın elektr energiyası menen támiynlew baǵdarında quyash panellerin ornatıw isleri baslandı.

Aymaqta bunnan basqada máhálle infrastrukturasın jetilistiriw, puqaralardıń turmıs sharayatların ele de jaqsılaw maqsetinde jol qurıw, aymaqtı jaqtılandırıw boyınsha jaqsı jumıslar islengen.