Ayrıqsha jaǵdaylar bóliminde baspa sóz konferenciyası
Hámmemizge málim ótken 2022-2023-jıl gúz-qıs máwsimindegi anomal suwıq hawa rayı kommunallıq xızmet kórsetiwshi sisteması tarawları ushın qatań sınawlar dáwiri boldı. Sonlıqtan usı jıl gúz-qıs máwsimine tayarlıq ilajları puxta ámelge asırılsa xalqımızdı, xalıqxojalıǵı tarawlarınıń barlıǵın qıs máwsiminde qıyınshılıqlar kelip shıǵıwınıń aldı alınadı.
Búgin Qanlıkól rayonı Ayrıqsha jaǵdaylar bólimi, rayon hákimliginiń málimleme xızmeti hám tiyisli mákemelerdiń qatnasıwında gúz-qıs máwsimi dawamında júz beriwi múmkin bolǵan órtlerdiń hám puqaralardıń záhárli gazden záhárleniwiniń aldın alıw boyınsha mediya tur hám baspa sóz konferenciyası bolıp ótti.
Ilajda dáslep rayon ayrıqsha jaǵdaylar bólimi, rayonnıń barlıq kommunallıq hám xalıqqa xızmet kórsetiwshi mákeme hám kárxanaları ózleriniń gúz-qıs máwsimine tayarlıǵı, xalıqqa kórsetiletuǵın xızmet túrleri boyınsha kórgizbeleri menen tanıstırdı.
Málim bolǵanınday mámleket hám jámiyet rawajlanıwı, ilim hám texnikanıń alǵa ilgerilewi biz bilgen kelip shıǵıwı múmkin bolǵan órtler túrlerinde ózgertti. Usı jaǵdaylardan kelip shıǵıp elimiz ayrıqsha jaǵdaylar xızmetide anaǵurlım aldınǵısınan rawajlanǵanın kóriwimiz múmkin.
Ótkerilgen baspa sóz konferenciyasında rayon ayrıqsha jaǵdaylar bólimi qánigeleri rayonda júz bergen ayrıqsha jaǵdaylar, órt kelip shıǵıwı, gazden záhárleniw jaǵdayları haqqında túsinikler berdi.
Ilajda áyne búgingi kún hawa rayı puqaralardıń tábiyiy gazden paydalanıwda qatań sergeklikti talap etetuǵını mısallar menen túsindirildi. Usı búginniń ózinde gazden záhárleniw jaǵdayınıń júzbergeni maǵlıwmat sıpatında atap ótildi.
Ilajda rayonda barlıq taraw hám puqaralar ushın isleniwi tiyis ilajlar belgilenip alındı.
Qanlıkól rayonı hákimliginiń málimleme xızmeti.
