25-oktyabr – Ózbekstan Respublikası Ishki isler uyımları xızmetkerleri kúni”

Mámleketimizde insan huqıq hám erkinliklerin qorǵaw, jámiyetlik tártipti saqlaw hám jınayatshılıqqa qarsı gúresiw hám boldırmaw baǵdarında kúndi túnge, túndi kúnge ulastırıp siz benen biziń tınıshlıǵımız ushın pidayı miynet etetuǵın ishki isler uyımı xızmetkerleri miynetin qansha ulıǵlasaqta arzıydı.

Ózbekstan Respublikası Ishki isler Ministrligi dúzilgenliginiń 32 jıllıǵı hám  “25-oktyabr – Ózbekstan Respublikası Ishki isler uyımları xızmetkerleri kúni” bayramı Qanlıkól rayonı keń jámiyetshiligi, rayon hákimligi, rayonlıq ishki isler bólimi jeke quramı tárepinen hár jıldaǵıdan jaqsı jetiskenlikler menen kútip alındı.

Rayon hákimligninde ótkerilgen bayram ilajına rayonlıq ishki isler bólimi xızmetkerelri rayon keń jámiyetshiligi wakilleri qatnastı.

Jıynalǵanlardı rayon hákimi B.Sultanov, rayonlıq ishki isler bólimi baslıǵı F.Urumbaev, rayon prokurorı M.Tileumuratov, rayonlıq Qorǵanıw isleri bólimi baslıǵı X.Ismaylov, rayonlıq ayrıqsha jaǵdaylar bólimi baslıǵı T.Xudaybergenovlar jıynalǵanlardı bayram menen qutlıqlap erisilgen tabıslardı joqarı bahaladı.

Bayram ilajında, tarawda jemisli miynetleri ushın bir qatar taraw xızmetkerlerine rayon hákimligi tárepinen estelik bayram sawǵaları tapsırılıdı.

Shınında da abıraylı hám mashaqatlı kásip iyeleri miynetleri menen xalqımızdıń tınıshlıǵı, shańaraq hám máhállelerde awızbirshilik bekkemlenip, túrli jınayatshılıq hám huqıqbuzarlıqlardıń aldı alınbaqta. Bul kórsetkishlerdi rayon kóleminde aytatuǵın bolsaq, rayonda jaslar hám hayal-qızlar arasında túrli ilajlar ótkeriliwi menen barlıq puqaralardıń huqıq hám erkinlikleri qorǵalıwına erisilmekte.

Qanlıkól rayonı hákimliginiń málimleme xızmeti.