Sessiya májilsinde
Xalıq deputatları Qanlıkól rayonlıq Keńesiniń 71-sessiya májilisine rayon hákimi B.Sultanov, rayonlıq Keńes deputatları, rayon mákeme, kárxana hám shólkem basshıları qatnastı.
Sessiyada tiykarınan búgingi kún ushın áhmiyetli bolǵan 14 másele deputatlar názerine usınıldı. Bunda dáslep Xalıq deputatları Qanlıkól rayonlıq Keńesine 15-sanlı “S.Nurımbetov” saylaw okruginde bosap qalǵan deputatlıq orınǵa 2023-jıl 22-oktyabr kúni bolıp ótken saylawdıń nátiyjesi haqqında hámde saylanǵan deputattı partiya toparına dizimge alıw haqqında másele deputatlar názerine usınıldı. Bolıp ótken saylawdıń nátiyjesi haqqındaǵı málimleme maǵlıwmat ushın qabıl etilip, jańadan saylanǵan deputat Sultanov Bahram Begdullaevichtiń deputatlıq wákilligi tanılıwı hám Xalıq deputatları Qanlıkól rayonlıq Keńesi baslıǵı etip tastıyıqlaw haqkında qarar qabıl etildi.
Sessiyada bunnan soń sektor basshılarınıń 2023-jıldıń 9 ayı dawamında hám «Temir dápter» tiykarında ámelge asırılǵan jumısları haqqında esabatları tıńlandı. Atap ótilgenindey rayonda sektorlar kesiminde xalıqtı sociallıq jaqtan qorǵaw, isbilermenlikti rawajlandırıw, múrájatlar menen islesiw hám basqada baǵdarlarda bir qatar nátiyjeli jumıslar islengeni atap ótilip isleniwi tiyis wazıypalar belgilendi.
Deputatlar názerine Jınayat isleri boyınsha Qanlıkól rayonlıq sudı tárepinen sudtıń puqaralar huqıqları hám erkinliklerin, sonday-aq, kárxana, mákeme, shólkemlerdiń huqıqların hámde nızam menen qorǵalatuǵın máplerin sud jolı menen qorǵalıwın ámelge asırıwǵa tiyisli iskerligi haqqında 2023-jıldıń 9 ayı dawamında ámelge asırılǵan jumısları haqqında málimlemesi usınıldı.
Sessiyada bunnan basqada rayon ishki isler bólimi baslıǵınıń huqıqbuzarlıqlardıń aldın alıw hám olardıń profilaktikalıq jaǵdayı haqqında, Ózbekstan Respublikası Prezidentiniń Qanlıkól rayonındaǵı Xalıq qabıllawxanası tárepinen sektorlar hám aymaqtaǵı mákeme, shólkem basshılarınıń iskerligi, múrájatlar menen islesiwi boyınsha kirgizilgen maǵlıwmatları boyınsha usı jıldıń 9 ayı dawamında ámelge asırılǵan jumısları hám basqada máseleler kórip shıǵılıp tiyisli qararlar qabıl etildi.
Qanlıkól rayonı hákimliginiń málimleme xızmeti.
