Media-tur jaslar arasında isbilermenlik jumıslarına

Qanlıkól rayonı hákimligi málimleme xızmeti, Jaslar isleri agentligi rayonlıq bólimi menen birgeliktegi media-tur qatnasıwshılarınıń keyingi mánzili, rayondaǵı “Doslıq” MPJ aymaǵındaǵı Q.Aytmuratov basqarǵan “Aytmuratov Quwatbay” JShJ ndegi ayna hám esik islep shıǵarıw jumısları menen tanıstı.

Bul jerde eń zamanagóy kórinistegi arzan hám sapalı ayna hám esikler islep shıǵarıladı. Bul jumıslardı ámelge asırıw ushın jergilikli jaslar jumıs penen támiynlengen.

Ilajǵa qatnasqan rayon aymaǵındaǵı jaslar jetekshileri isbilermenlikti rawajlandırıw usı arqalı jaslardı jumıs penen bánt etiw, bul jerlerde uztaz shákirt usılında shákirtler tayarlaw hám sheberlik sabaqların ótiw boyınsha usınısların bildirdi.

Katnasıwshılar ózleri aymaqlarında bunday jumıslardı jolǵa qoyıw boyınsha maǵlıwmatlarǵa iye boldı.

Kanalǵa aǵza bolıw: https://t.me/kanlikulnews