Gazeta jurnallarǵa jazılıwdı durıs túsineyik

Insan jámiyette baxıtlı jasawı ushın ruwxıy dúnyamızdıń ǵáziynesi esaplanǵan gazeta jurnallarısız kóz aldımızǵa keltiriwdiń ózi qıyın ekenin búgingi globallasıw hám tınımsız informaciya almasıwları dáwirinde ruwxıy tetik bolmastan baxıtqa erisiw qıyın ekenin dáwirdiń ózi dálillemekte.

Biziń elimizde bul baǵdarda ázelden qáliplesken ilim bilimlendiriwdiń saǵası, gazeta-jurnallar  hár bir insannıń ruwxıy baylıǵı bolıp xızmet etip kelmekte.

Qanlıkól rayonında 2024-jıl gazeta jurnallarǵa jazılıwdı úgit-násiyatlaw baǵdarında respublika isshi topar wákilleri rayon belsendileri, bilimlendiriw tarawı basshıları menen ushırastı.

Ushırasıwda «Ámiwdárya» jurnalı redaktorı orınbasarı jazıwshılar awqamı aǵzası J.Óteniyazov, «Qaraqalpaqstan jaslar» gazetası bólim baslıǵı Sh.Sipatdinov hám «Jetkinshek» gazetası juwaplı xatkeri Qaraqalpaqsatnǵa miyneti sińgen jurnalist D.Úbbiniyazova hám basqalar, jámiyet hám insan turmısında baspa sóz hám ǵalaba xabar qurallarınıń ornı hám áhmiyeti haqqında jıynalǵanlarǵa keń túsinikler berdi.

Shınında da búgingi kún rawajlanıwında baspa sóz hám ǵalaba xabar qurallarınıń ornı ayrıqsha ekenin keń túsinsekte gazeta jurnallarǵa jazılıwǵa kelgende arqayınlıqka berilip atırǵanımızdıda biykarlay almaymız. Máselen bir ǵana respublikalıq balalardıń birden-bir gazetası sanalǵan «Jetkinshek» gazetasın bir oqımastan kamalǵa kelgen insandı tabıwdıń ózi qıyın bolsa kerek.

Lekin búginge kelip kópshilik orınlarda gazta-jurnal jıyındıları qatarında siyrek ushıraspaqta.

Ushırasıwda gazeta jurnallarǵa jazılıwdı durıs shólkemlestiriw, xalıqka, ásirese ata-analarǵa durıs úgit-násiyatlaw boyınsha túsinikler berildi.

Kanalǵa aǵza bolıw: https://t.me/kanlikulnews