Халық депутатлары Қанлыкөл районлық Кеңесиниң 54-сессиясының 1-мәжилиси ҳаққында мәлимлеме



Бүгин Халық депутатлары Қанлыкөл районлық Кеңесиниң гезектеги 54-сессиясының 1-мәжилиси болып өтти.

Оған сектор басшылары, ҳәким орынбасарлары, ҳәкимлик бөлимлери, ҳуқық қорғаў уйымлары, мәкеме, кәрхана, шөлкемлер ҳәм пуқаралар жыйынлары басшылары ҳәмде ғалаба хабар қураллары ўәкиллери қатнасты.

Сессияны Халық депутатлары Қанлыкөл районлық Кеңеси секретариат баслығы Т.Мамутов кирис сөз бенен ашты ҳәм басқарып барды.                                          

Сессия күн тәртибинде:

1.  Қанлыкөл районы 1-сектор баслығы,  район ҳәкими Ибрагимов Абу-Бакир Абдинаимовичтиң Қарақалпақстан Республикасын социал-экономикалық раўажландырыў бойынша белгиленген Президент Пәрманлары,  Қарарлары ҳәм дәстүрлериниң Қанлыкөл районында орынланыўы ҳәм жыл жуўмағына шекем әмелге асырылыўы белгиленген тапсырмалар бойынша есабаты ҳаққында;

2.  Қанлыкөл районы 2-сектор баслығы,  район прокуроры Тлеўмуратов Мырзамурат Төремуратовичтиң Қарақалпақстан Республикасын социал-экономикалық раўажландырыў бойынша белгиленген Президент Пәрманлары,  Қарарлары ҳәм дәстүрлериниң Қанлыкөл районында орынланыўы ҳәм жыл жуўмағына шекем әмелге асырылыўы белгиленген тапсырмалар бойынша есабаты ҳаққында;

3. Өзбекстан Республикасы Президенти Ш.М.Мирзиёевтиң 2022-жыл  23-24-февраль күнлери Қарақалпақстан Республикасына сапары даўамында белгиленген тапсырмалар ҳәм 2022-жыл 25-февраль күни өткерилген 16-санлы баянламасы тапсырмаларының орынланыўын тәмийинлеў мақсетинде Қанлыкөл районында тастыйықланған “Жол картасы”ның 2022-жыл август айында орынланыўы ҳаққында.

4.  Өзбекстан Республикасы Президенти Ш.М.Мирзиёев басшылығында  2021-жыл 23-июль күни өткерилген видеоселектор жыйналысының 38-санлы баянламасы тапсырмаларының орынланыўын тәмийинлеў мақсетинде халықтың мурәжатларында көтерилген машқалаларды шешиў бойынша Қанлыкөл районы ҳәкиминиң 2022-жыл август айында әмелге асырылған жумыслары туўралы.

5. Районда 2022-жылда хызметлер тараўын раўажландырыў бағдарламасының орынланыўы бойынша 2022-жыл август айы даўамында әмелге асырылған жумысларының барысы ҳаққында.

6. Қанлыкөл районы "Алтынкөл" аўыл пуқаралар жыйынында жасаўшы кем тәмийинленген хожалықларды үй-жай менен тәмийинлеў ҳәм "Қосжап" аўыл пуқаралар жыйынында жасаўшы хожалықларды газ тармағына жалғаў мақсетинде “Мәҳәлле”  қайырқомлық жәмийетлик фонды районлық бөлимшеси жанындағы "Қайыр-сақаўат ҳәм көмек" қорынан қаржы ажыратыў ҳаққында.      

7. Районлық суў хожалығы бөлими баслығының суў ресурсларын басқарыў,  суў хожалығы обектлериниң материаллық-техникалық базасын жақсылаў,  сондай-ақ,  районда суўды тежеўши тамшылатып суўғарыў технологияларының енгизилиўи ҳаққында.

8. Районлық Санитария-эпидемиология ҳәм жәмийетлик саламатлық хызмети Қанлыкөл районлық бөлими баслығының халық саламатлығын қорғаў бағдарындағы әмелге асырылған жумыслары ҳаққында.

9. Өзбекстан Республикасы Президенти Ш.М.Мирзиёев басшылығында 2022-жыл 5-май күни видеоселекторда тез ҳәм қыстаўлы медициналық жәрдем хызметин жетилистириў бойынша берилген ўазыйпалардың орынланыўы бойынша районлық Медицина бирлеспеси баслығының 2022-жылдың 8 айы даўамында әмелге асырылған жумыслары бойынша есабатлары тыңланды.

Күн тәртибиндеги мәселелер бойынша депутатлар өзлериниң пикир ҳәм усынысларын билдирди. Соң көрилген мәселелер бойынша районлық Кеңес депутатлары тәрепинен тийисли қарарлар қабыл етилди. Усының менен Халық депутатлары Қанлыкɵл районлық Кеңесиниң гезектеги 54-сессиясының биринши  мəжилиси ɵз жумысын жуўмақлады.

Қанлыкɵл районы ҳəкимлиги Мəлимлеме хызмети.