Халық депутатлары Қанлыкөл районлық Кеңесиниң 54-сессиясының 2-мәжилиси ҳаққында мәлимлеме



Бүгин Халық депутатлары Қанлыкөл районлық Кеңесиниң гезектеги 54-сессиясының 2-мәжилиси болып өтти.

Оған сектор басшылары, ҳәким орынбасарлары, ҳәкимлик бөлимлери, ҳуқық қорғаў уйымлары, мәкеме, кәрхана, шөлкемлер ҳәм пуқаралар жыйынлары басшылары ҳәмде ғалаба хабар қураллары ўәкиллери қатнасты.

Сессияны Халық депутатлары Қанлыкөл районлық Кеңеси секретариат баслығы Т.Мамутов кирис сөз бенен ашты ҳәм басқарып барды.  

Сессия күн тәртибинде;                                       

1.  Қанлыкөл районы 3-сектор баслығы,  районлық ишки ислер бөлими  баслығы Урумбаев Фархад Турсынбаевичтиң  Қарақалпақстан Республикасын социал-экономикалық раўажландырыў бойынша белгиленген Президент Пәрманлары,  Қарарлары ҳәм дәстүрлериниң Қанлыкөл районында орынланыўы ҳәм жыл жуўмағына шекем әмелге асырылыўы белгиленген тапсырмалар бойынша есабаты ҳаққында;

2.   Қанлыкөл районы 4-сектор баслығы,  районлық салық инспекциясы баслығы ў.ў.а. Назаров Рахим Бахытовичтиң Қарақалпақстан Республикасын социал-экономикалық раўажландырыў бойынша белгиленген Президент Пәрманлары,  Қарарлары ҳәм дәстүрлериниң Қанлыкөл районында орынланыўы ҳәм жыл жуўмағына шекем әмелге асырылыўы белгиленген тапсырмалар бойынша есабаты ҳаққында;

3. “Қарақалпақ АЕТК” Қанлыкөл районлық электр тармақлары кәрханасы тәрепинен 2022-2023-жыл гүз-қыс мәўсимине таярлық көриў бойынша әмелге асырылып атырған жумыслары ҳаққында.

4. Қарақалпақстан Республикасы Жоқарғы Кеңеси Президиумының 2022-жыл 3-март күнги «Қарақалпақстан Республикасы Министрлер Кеңеси жанындағы Қарақалпақ тилин раўажландырыў фондына 2022-жыл ушын қаржы ажыратыў илажлары ҳаққында»ғы 613-санлы қарарын орынлаў мақсетинде,  Қарақалпақстан Республикасы Министрлер Кеңеси жанындағы Қарақалпақ тилин раўажландырыў фондына районлық жергиликли бюджетиниң қосымша дереклери (районлық жергиликли бюджетиниң еркин қалдық қаржылары ҳәм дәраматлар көрсеткишиниң шереклер даўамында артық орынланған бөлеги) есабынан  қаржы ажыратыў усынысы ҳаққында;

5. АК "Агробанк"тиң Қанлыкөл филиалы тәрепинен халыққа жаратылып берилип атырған имканиятлар,  сондай-ақ,  оларда исбилерменлик көнликпелерин пайда етиў бойынша алып барылып атырған жумыслар ҳәм ондағы ушырасып атырған машқалалар бойынша мәлимлемеси.

 6. АК "Халық банк"тиң Қанлыкөл филиалы тәрепинен халыққа жаратылып берилип атырған имканиятлар,  сондай-ақ,  оларда исбилерменлик көнликпелерин пайда етиў бойынша алып барылып атырған жумыслар ҳәм ондағы ушырасып атырған машқалалар бойынша мәлимлемеси.

 7. Қанлыкөл районында ҳәким жәрдемшилери жумысының нәтийжелилигин үйрениў бойынша 2022-жыл август айы даўамында әмелге асырылған жумысларының барысы ҳаққында.

 8. Қарақалпақстан Республикаси Жоқарғы Кеңеси Президиумының 2022-жыл 28-июньдағы 767-санлы қарарының орынланыўын тәмийинлеў бойынша  “Мәҳәлле”  қайырқомлық жәмийетлик фонды районлық бөлимшеси жанындағы «Қайыр-сақаўат ҳәм көмек» жамғармасынан қаржы ажыратыў ҳаққында.

 9. “Ҳаяллар дәптери”не киритилген III тайпа тийкарында,  бағыўшысынан айрылған мүтәж ҳаял-қызлар,   социаллық жәрдемге мүтәж I ҳәм II топар майыплығы болған ҳаял-қызлар,  VI тайпа тийкарында қарамағында майып перзенти болған ҳаялларға базалық есаплаў муғдарының 4 есеси муғдарында бир мартелик материаллық жәрдем,   V тайпа тийкарында үй-жайға мүтәж ҳаял-қызлардың үй-жай ижара компенсациясының  50% ин төлеп бериў мақсетинде “Ҳаяллар дәптери” фонды есабынан қаржы ажыратыў ҳаққында есабатлары тыңланды.

Күн тәртибиндеги мәселелер бойынша депутатлар өзлериниң пикир ҳәм усынысларын билдирди. Соң көрилген мәселелер бойынша районлық Кеңес депутатлары тәрепинен тийисли қарарлар қабыл етилди. Усының менен Халық депутатлары Қанлыкɵл районлық Кеңесиниң гезектеги 54-сессиясының екинши мəжилиси ɵз жумысын жуўмақлады.

Қанлыкɵл районы ҳəкимлиги Мəлимлеме хызмети.