ҚАНЛЫКӨЛ РАЙОНЫ ТУРҒЫНЛАРЫНЫҢ 3 УСЫНЫСЫ "АШЫҚ БЮДЖЕТ" ПОРТАЛЫНДА ЖЕТЕРЛИ ДАЎЫС ТОПЛАП, ЖЕҢИСКЕ ЕРИСТИ ҲӘМ «ПУҚАРАЛАР БАСЛАМАСЫ ҚОРЫ ЕСАБЫНАН» ҚАРЖЫЛАНДЫРЫЛЫЎЫ БЕЛГИЛЕНДИ



Бюджет просессинде пуқаралардың белсене қатнасыўын тәмийинлеў бойынша Өзбекстан Республикасы Президентиниң 2021-жыл 13-апрель күнги “Бюджет процессинде пуқаралардың белсене қатнасыўын тәмийинлеў бойынша қосымша ис-илажлары ҳаққында”ғы ПҚ-5072-санлы Қарары қабыл етилди. Усы қарар тийкарында,  Өзбекстан Республикасы Олий Мәжлиси Сенатының 2021-жыл 22-апрель күнги “Жергиликли бюджет қаржылары сарыпланыўында жәмийетшилик қатнасыўын тәмийинлеў ҳаққында»ғы қарары талапларының орынланыўын тәмийинлеў мақсетинде мәмлекетимизде «Ашық бюджет»  мәлимлеме порталы иске түсирилип,  өз искерлигин әмелге асырып келмекте.

Усы жылдың август ҳәм сентябрь айлары даўамында районымыз бойынша «Ашық бюджет»  мәлимлеме порталы арқалы пуқаралар тәрепинен жәми 151 усыныслар келип түсип,  усыныслар исши комиссия тәрепинен үйренилип, 106 усыныслар даўыс бериў басқышына өткерилди. Бул басқышта районымызда пуқаралар тәрепинен басламаларға жәми 8381 даўыслар топланды.

Топланған даўыслар жуўмағына көре 3 баслама ең көп даўыс топлап «жеңимпаз» деп табылды. Атап айтақанда 

1. “Наўрыз” аўыл пуқаралар жыйыны аймағында жайласқан 2-санлы улыўма орта билим бериў мектебиниң футбол стадионы орнына жасыл қапламалы стадион қурыў усынысы 1 670 даўыс.

2. “Алтынкөл” аўыл пуқаралар жыйыны аймағына кирер жерине балалар майданшасы қурыў усынысы 1 547 даўыс.

3. Қанлыкөл районы медицина бирлеспесине қараслы көп тармақлы орайлық поликлиниканысының материаллық техникалық базасын раўажландырыў усынысы 1 077 даўыс топлап жеңимпаз деп табылып,  «Пуқаралар басламасы қоры» есабынан қаржыландырылыўы белгилеп алынды.

«Ашық бюджет»  мәлимлеме порталы арқалы болып өткен даўыс бериў процессинде белсене қатнасып,  даўыслар топлаўда аянбай хызмет етип, районымызда болатуғын унамлы өзгерислерге өз үлеслерин қосқан бәрше районымыз турғынларына минетдаршылық билдиремиз.

Қанлыкөл районы ҳәкимлигиниң Мәлимлеме хызмети